ബുധനാഴ്‌ച, മാർച്ച് 02, 2011

ക്യാമ്പസ്‌ ഇന്റര്‍വ്യൂവിനു ശ്രദ്ധിക്കേണ്ട ചില കാര്യങ്ങള്‍...

ആഗോളമാന്ദ്യത്തിന്റെ സമയത്താണ് പഠനം കഴിഞ്ഞു ജോലി അന്വേഷണം നടത്തുന്നത്. അതുകൊണ്ട് തന്നെ ഇങ്ങു തിരുവന്തോരം മുതല്‍ അങ്ങു ഭോപാല്‍ വരെ ജോലിയന്വേഷിച്ച് ഒരുപാടു യാത്രകള്‍ ചെയ്തിട്ടിണ്ട്‌, പല ഇന്റെര്‍വ്യൂകളിലും പങ്കെടുത്തിട്ടുണ്ട്. അതിന്റെ ചില അനുഭവങ്ങള്‍ പലതരം ഇന്റെര്‍വ്യൂകള്‍ക്ക് തയ്യാറെടുക്കുന്ന അനിയന്മാര്‍ക്കും അനിയത്തിമാര്‍ക്കുമായി ഇവിടെ പങ്കുവെക്കുന്നു...

ഒന്ന്) ഇന്റെര്‍വ്യൂവിന് വരുന്ന കമ്പനി മുന്‍പ് നടത്തിയിട്ടുള്ള ടെസ്റ്റുകള്‍ ഇന്റര്‍നെറ്റില്‍ ലഭ്യമാണ്. ഗൂഗിളില്‍ ഒന്ന് പരതിയാല്‍ കിട്ടും. അങ്ങനെയുള്ള ചോദ്യങ്ങള്‍ ഒന്ന് പഠിച്ചിട്ടു പോകുന്നത് നല്ലതാണ്. ആ ചോദ്യങ്ങള്‍ വീണ്ടും ആവര്‍ത്തിക്കപ്പെടാന്‍ നല്ല സാധ്യതയുണ്ട്.

രണ്ട്) ഇഷ്ടപ്പെട്ട ഏതെങ്കിലും രണ്ട് വിഷയങ്ങള്‍ നന്നായി പഠിക്കുക. വരുന്ന കമ്പനിയും ജോലിയുടെ സ്വഭാവവും കൂടെ ഈ തെരഞ്ഞെടുപ്പില്‍ പരിഗണിക്കുക. പിന്നെ ഒരു വിഷയം കൂടി പഠിച്ചു വെച്ചാല്‍ നന്ന്. ഇഷ്ടപ്പെട്ട വിഷയം ഏതാണ് എന്ന ചോദ്യവും ആ വിഷയത്തില്‍ നിന്നുള്ള ചോദ്യങ്ങളും ഇന്റെര്‍വ്യൂവില്‍ പതിവാണ്.

മൂന്ന്) ഒരു ഹാര്‍ഡ്‌വെയര്‍ അല്ലെങ്കില്‍ ഇലക്ട്രോണിക്സ് കമ്പനിയാണെങ്കില്‍ ഡിജിറ്റല്‍ ഇലക്ട്രോണിക്ക്സിനും ഐ.ടി. കമ്പനിയാണെങ്കില്‍ C -ക്കും  പ്രത്യേക പ്രാധാന്യം നല്‍കുക.

നാല്) ഇന്റെര്‍വ്യൂവിന് കൂളായി ഒരു ചെറു ചിരിയോടെ ഇരിക്കുന്നവരെയാണ് ഇന്റെര്‍വ്യൂ ചെയ്യുന്നവര്‍ക്കിഷ്ടം. എന്ന് കരുതി അവരെ കളിയാക്കുന്ന രീതിയില്‍ ഇളിച്ചു കൊണ്ടിരിക്കരുത്. അനാവശ്യമായി ടെന്‍ഷന്‍ അടിക്കാതിരിക്കുക. ഇതു കിട്ടിയില്ലേല്‍ ഇതിലും നല്ലത് കിട്ടും എന്ന് ഓര്‍ക്കുക.

അഞ്ച്) ഉത്തരം അറിയില്ലെങ്കില്‍ അറിയില്ല എന്നുതന്നെ പറയുക. അല്ലാതെ പാതിവെന്ത ഉത്തരങ്ങള്‍ ഒഴിവാക്കുക. അതു നിങ്ങളെ  കൂടുതല്‍ കുഴപ്പത്തില്‍ ചാടിക്കും. (അനുഭവം ഗുരു)

ആറ്) അറിയാവുന്ന ഉത്തരമാണെങ്കില്‍ നല്ല കോണ്‍ഫിഡന്‍സോട് കൂടി പറയുക. നിങ്ങളുടെ ഉത്തരം ശരിയാണെങ്കില്‍ക്കൂടി നിങ്ങളുടെ കൊണ്‍ഫിഡന്‍സ് ചെക്ക്‌ ചെയ്യാന്‍ അവര്‍ വീണ്ടും വീണ്ടും ചോദിച്ചെന്നിരിക്കും. ശരിയാണെന്ന് നിങ്ങള്‍ക്കു ബോധ്യമുണ്ടെങ്കില്‍ അതില്‍ ഉറച്ചു നില്‍ക്കുക.

ഏഴ്) മാന്യമായ രീതിയില്‍ വസ്ത്രം ധരിക്കുക. കടുത്ത നിറമുള്ളതോ കൂടതല്‍ ഓളങ്ങള്‍ ഉള്ളതോ ആയ വസ്ത്രങ്ങള്‍ ധരിക്കരുത്. ആണ്‍കുട്ടികള്‍ ഇന്‍ഷര്‍ട്ട്‌ ചെയ്യുക. ശീലമില്ലെങ്കില്‍ ടൈ ഒന്നും ധരിക്കാന്‍ പോകരുത്. നല്ല വസ്ത്രധാരണം നിങ്ങളുടെ ആത്മവിശ്വാസം വര്‍ധിപ്പിക്കും.

എട്ട്) അത്യാവശ്യം നന്നായി തയ്യാറെടുക്കുക. അത്തും നിങ്ങളുടെ ആത്മവിശ്വാസം വര്‍ധിപ്പിക്കും. ഇന്റെര്‍വ്യൂവിന്റെ തലേദിവസം നന്നായി ഉറങ്ങുക; അഥവാ ഉറക്കമിളച്ചുള്ള പഠനവും അതുവഴിയുള്ള ആരോഗ്യ പ്രശ്നങ്ങളും  ഒഴിവാക്കുക.

ഒന്‍പത്)Shreds (http://shredskerala.org/) മുതലായ വെബ്‌സൈറ്റുകളില്‍ ജോയിന്‍ ചെയ്യുക. പരമാവധി ടെസ്റ്റുകള്‍ അറ്റന്‍ഡ് ചെയ്യുന്നത് നല്ലതാണ്. എനിക്ക് ജോലി ലഭിച്ചതിനു Shreds -നോടുള്ള നന്ദി രേഖപ്പെടുത്തിക്കൊള്ളട്ടെ.

പത്ത്) എച്ച്.ആര്‍ ഇന്റെര്‍വ്യൂവിനും മറ്റും സ്ഥിരം ചോദിക്കുന്ന ചോദ്യമാണ് നിങ്ങളുടെ ശക്തിയെന്ത്, ദൌര്‍ബല്യമെന്തു എന്നത്. ഇതിനു ഉത്തരം മനസ്സില്‍ കരുതിയ ശേഷം മാത്രം ഇന്റെര്‍വ്യൂവിന് പോകുക.
പതിനൊന്ന്) Self Introduction എല്ലാ ഇന്റെര്‍വ്യൂവിനും ആദ്യം ചോദിക്കുന്ന കാര്യങ്ങളില്‍ ഒന്നാണ്. പേര്, സ്ഥലം, മാതാപിതാക്കളുടെ പേര്, സ്കൂള്‍, കോളേജ്, ആവറേജ് മാര്‍ക്കുകള്‍, എന്തെങ്കിലും വ്യക്തിപരമായ നേട്ടങ്ങള്‍ എന്നീ കാര്യങ്ങള്‍ ചുരുക്കി പറയുക. ഇതു നന്നായി മനസ്സില്‍ ഉരുവിട്ട് പഠിച്ചിട്ടു പോവുക. തപ്പിത്തടയാതെ ഇതു പറയാന്‍ കഴിഞ്ഞാല്‍ അതു ഇന്റെര്‍വ്യൂവിന് നല്ലൊരു തുടക്കാന്‍ നല്‍കും.

പന്ത്രണ്ട്) മോളില്‍ നിന്ന്  ഒന്ന് മുതല്‍ ഒന്നുകൂടെ വായിക്കുക.

പതിമൂന്ന്) വരുന്നിടത്തുവെച്ചു കാണാം എന്നും പറഞ്ഞു ഇന്റെര്‍വ്യൂവിന് പോവുക. ജോലി നിങ്ങള്‍ക്കു തന്നെ. നിങ്ങളുടെ കഠിനാധ്വാനത്തിന് ഫലമുണ്ടാവുക തന്നെ ചെയ്യും.

നന്മകള്‍ നേരുന്നു....

ശുഭം! 
മംഗളം! 
അനൂപ്‌ കിളിമാനൂര്‍

(റീഷെയര്‍ ചെയ്തു വിജയിപ്പിക്കാന്‍ അഭ്യര്‍ഥന. ബൂലോകത്ത് ആര്‍ക്കെങ്കില്ലും ഉപയോഗം ഉണ്ടായാലോ...)

7 അഭിപ്രായങ്ങൾ:

  1. Very good post! I agree with each point you mentioned. In my case, I didn't want a job in IT field, but I attended around 7 interviews just for an experience. As getting into the job was not my aim, I didn't study anything for it and most of my answers were almost 'tharkkutharams'! To my wonder, I got five of them!
    Confidence in appearance is a very important factor, I observe.

    മറുപടിഇല്ലാതാക്കൂ
  2. റീഷെയര്‍ ചെയ്തു കൂടുതല്‍ പേരില്‍ എത്തിക്കാന്‍ സഹായിച്ച എല്ലാവര്‍ക്കും നന്ദി രേഖപ്പെടുത്തുന്നു..

    മറുപടിഇല്ലാതാക്കൂ

മടിച്ചു നില്‍ക്കാതെ കടന്നു വരൂ; ഘോരഘോരമായ വിമര്‍ശന പീരങ്കികള്‍ എടുത്തു പ്രയോഗിക്കൂ....