ഞായറാഴ്‌ച, ഫെബ്രുവരി 20, 2011

സെഞ്ച്വറി അടിച്ചത് സെവാഗോ അതോ ജ്യോത്സനോ?



 എന്ത് കൊണ്ടാണ് ടെസ്റ്റില്‍ തിളങ്ങുന്ന സെവാഗ് ഏകദിനങ്ങളില്‍ അത്രയും ഉയരങ്ങളില്‍ എത്താത്തത്? എന്തുകൊണ്ടാണ് ടെസ്റ്റില്‍ അന്‍പതിനുമുകളില്‍ ശരാശരിയുണ്ടായിട്ടു കൂടി ഏകദിനങ്ങളില്‍ സെവാഗിന്റെ ശരാശരി മുപ്പതിന് അല്പം മുകളില്‍ മാത്രം നില്‍ക്കുന്നത്? ഒരു ഇംഗ്ലീഷ് വാര്‍ത്താ ചാനലില്‍ അവതാരകന്‍ ഒരു ജ്യോല്സനോട് ചോദിച്ച ചോദ്യമാണിത്. ജ്യോല്സനെന്നു പറയുമ്പോള്‍ നമ്മുടെ മനസ്സില്‍ വരുന്ന രൂപമൊന്നുമല്ല. കോട്ടും സ്യൂട്ടുമൊക്കെ ഇട്ടു ആകെപ്പാടെ ഒരു ആഗോളവല്കൃതാനന്തര ഗോക്രിമോഡല്‍ ഉഡായിപ്പ്‌ സെറ്റപ്പ്. പുള്ളി പറഞ്ഞ ഉത്തരം ഇതാണ്. ടെസ്റ്റ്‌ കളിക്കുമ്പോള്‍ ജേഴ്സിയില്‍ നമ്പര്‍ എഴുതാറില്ല. എന്നാല്‍ ഏകദിനത്തില്‍ നമ്പര്‍ ഇടാറുണ്ട്. ഈ നമ്പറാണ് പ്രശ്നം. ഏതേലും ജ്യോത്സന്‍ പറഞ്ഞിട്ടാണോ എന്നറിയില്ല; ഏതായാലും ഇന്നലെ സെവാഗ് സെഞ്ച്വറി അടിച്ചപ്പോള്‍ ഇട്ടിരുന്ന ജേഴ്സിയില്‍ ഒരു നമ്പരും ഉണ്ടായിരുന്നില്ല. അപ്പൊ സെഞ്ച്വറിയുടെ ക്രെഡിറ്റ് സെവാഗിനോ അതോ ജ്യോത്സനോ?

എന്നോട് ചോദിച്ചാല്‍ ഞാന്‍ പറയും സെവാഗിനു തന്നെ, അല്ലാതെ ഏതേലും ഗോക്ക്രിക്കോ കൂക്ക്രിക്കോ ഇതില്‍ യാതൊരു ക്രെഡിറ്റും ഇല്ല. സെവാഗിന്റെ ഇന്നലത്തെ കളിക്ക് പിന്നില്‍ മൂന്നു കാര്യങ്ങളാനുള്ളത്.

ഒന്ന്) നീണ്ട ഒരു ഇന്നിങ്ങ്സ് കളിക്കണമെന്ന സെവാഗിന്റെ ദൃഡനിശ്ചയം.
രണ്ട്) അദ്ദേഹത്തിന്റെ ടാലെന്റും, ഹാന്‍ഡ്‌-ഐ കോര്‍ഡിനേഷനും.
മൂന്ന്)ബംഗ്ലാദേശിന്റെ മോശം ബൌളിംഗ്

പിന്നെ ഇങ്ങനെ ഒരു ഇന്നിങ്ങ്സ് കളിക്കണമെങ്കില്‍ കുറച്ചു ഭാഗ്യത്തിന്റെ കടാക്ഷവും വേണം. എന്നാല്‍ എടുത്തുപറയേണ്ട വസ്തുത സെവാഗിന്റെ അറ്റിറ്റ്യൂടില്‍ വന്ന മാറ്റം തന്നെയാണ്. കുറച്ചുകാലം മുന്‍പ് വരെ വളരെപ്പെട്ടെന്നു മുപ്പതു റണ്‍സും മറ്റും എടുത്ത ശേഷം വിക്കറ്റ് വലിച്ചെറിയുന്ന സ്വഭാവം സെവാഗിനു ഉണ്ടായിരുന്നു. അതു മാറ്റണമെന്നുള്ള തീവ്രമായ ആഗ്രഹം അദ്ദേഹത്തിനുണ്ടായിരുന്നു എന്നാണ് ഈ ലോകകപ്പില്‍ താന്‍ നീണ്ട ഇന്നിങ്ങ്സ് കളിക്കുമെന്ന് അദ്ദേഹം നടത്തിയ പ്രഖ്യാപനം. എന്തായാലും ആ തീരുമാനവും അതിനു വേണ്ടി നടത്തിയ കഠിനാധ്വാനവും ഫലം കണ്ടു എന്ന് തന്നെയാണ് ഇന്നലത്തെ ഇന്നിങ്ങ്സ് തെളിയിക്കുന്നത്. തുടക്കത്തിലേ ആഞ്ഞടിക്കു ശേഷം സെഞ്ച്വറി തികക്കുന്നത് വരെ വളരെ കണ്ട്രോള്‍ഡ്  അഗ്ഗ്രഷന്‍ ആണ് സെവാഗ് കാട്ടിയത്. സെഞ്ച്വറിക്ക് ശേഷം വീണ്ടും തകര്‍പ്പനടി തുടങ്ങി. വളരെയധികം പ്ലാന്‍ ചെയ്താണ് അദ്ദേഹം കളിച്ചതെന്നു വ്യക്തം. ഏതേലും ജ്യോത്സന്‍ പറഞ്ഞിട്ടാണോ ഷര്‍ട്ടിലെ നമ്പര്‍ അദ്ദേഹം ഉപേക്ഷിച്ചത് എന്നറിയില്ല. എന്നാല്‍ ഏതു നമ്പര്‍ ഉള്ള ഷര്‍ട്ട്‌ ഇട്ടിരുന്നെലും ഇന്നലെ അദ്ദേഹം സെഞ്ച്വറി അടിച്ചേനെ. ഇതില്‍ ഒരു ഗോക്ക്രിക്കും ക്രഡിറ്റ് കൊടുക്കേണ്ട ആവശ്യമില്ല. സെവാഗിന്റെ കഠിനാധ്വാനതിനും ആപ്ലിക്കേഷനും അഡാപ്ട്ടെഷനും ആണ് ഈ സെഞ്ച്വറിയുടെ മുഴുവന്‍ ക്രെഡിറ്റും. ഇനിയും ഇതു തുടരുകയാണെങ്കില്‍ സച്ചിന്റെ വിരമിക്കലിന് ശേഷം അദ്ദേഹത്തിന്റെ അഭാവം ടീം ഇന്ത്യക്ക് നേരിടേണ്ടി വരുമെന്ന് തോന്നുന്നില്ല.

ഇനി ക്രെഡിറ്റ് ഗോക്ക്രിമാര്‍ക്ക് തന്നെ കൊടുക്കനമെന്നുന്ടെല്‍ അവരുടെ ശ്രദ്ദയ്ക്ക്. 13   ദൌര്‍ഭാഗ്യത്തിന്റെ നമ്പര്‍ ആണെന്നാണല്ലോ വെപ്പ്. ഇപ്പോഴത്തെ ഹൈക്കോടതി മന്ദിരത്തില്‍ പതിമൂന്നാം നമ്പര്‍ ബ്ലോക്ക്‌ തന്നെ ഇല്ലെന്നു കേട്ടു. എം.എല്‍.എ ഹോസ്റ്റലില്‍ വര്‍ഷങ്ങളായി പതിമൂന്നാം നമ്പര്‍ ഒഴിഞ്ഞു കിടക്കുകയായിരുന്നു. എന്നാല്‍ ഈ സര്‍ക്കാര്‍ ഭരണം ഏറ്റപ്പോള്‍ സൈമണ്‍ ബ്രിട്ടോ ആ മുറി ചോദിച്ചു വാങ്ങി. അതുപോലെ പതിമൂന്നാം നമ്പര്‍ സര്‍ക്കാര്‍ വാഹനം എം.എ ബേബി ചോദിച്ചു വാങ്ങുകയാനുണ്ടായത്. ഇനി ഇന്നലത്തെ കളിയിലേക്ക് വരാം. പതിമൂന്നാം നമ്പര്‍ കുപ്പായതിലെത്തിയത് മുനാഫ് പട്ടേല്‍. അദ്ദേഹത്തിനു നാല് വിക്കറ്റ്. സംഖ്യകള്‍ പരസ്പരം കൂടുമ്പോള്‍ ഒന്‍പതു കിട്ടുന്നെങ്കില്‍ അതു നല്ല സംഖ്യ ആണെന്നാണല്ലോ ഇവരുടെ വിശ്വാസം. ഇതു വെച്ച് നല്ലൊരു സംഖ്യയാണ് ശ്രീശാന്തിന്റെ നമ്പര്‍, 36 . പക്ഷെ ശ്രീശാന്തിനു വിക്കറ്റിനു പകരം കിട്ടിയത് നല്ല തല്ല്. അഞ്ചു ഓവറില്‍ അമ്പതിമൂന്ന്. അപ്പൊ ഇത്രേ ഉള്ളു നമ്പറിന്റെ കാര്യം. നന്നായി എറിഞ്ഞാല്‍ വിക്കറ്റ് കിട്ടും. ഇല്ലേല്‍ തല്ല് കിട്ടും..!! (ശ്രീശാന്തിനു ഇതൊരു ഓഫ്‌-ഡേ ആയിരുന്നു. ഇനി അവസരം കിട്ടിയാല്‍ നന്നായി കളിക്കുമെന്ന് പ്രതീക്ഷിക്കാം.) ഏതായാലും ഒരു ജ്യോത്സന്റെയും വാക്ക് കേട്ടല്ല സെവാഗ് നമ്പരില്ലാ കുപ്പായവുമായി കളിക്കാനിറങ്ങിയതെന്നു വിശ്വസിക്കാന്‍ ഞാന്‍ ആഗ്രഹിക്കുന്നു. സ്വന്തം കഴിവില്‍ വിശ്വാസമുള്ളവര്‍ക്ക് ഈ മാതിരി ഉഡായിപ്പിന്റെ ഒന്നും ആവശ്യമില്ല.

കഴിഞ്ഞ ലോകകപ്പിലോ മറ്റോ ആണെന്ന് തോന്നുന്നു. ഈ മാതിരി ഉഡായിപ്പുകള്‍ക്ക് കളിക്കിടയിലുള്ള ചര്‍ച്ചകളില്‍ സോണി മാക്സ് സമയം അനുവദിച്ചിരുന്നു. അതൊന്നും ചെയ്യാതെ പ്രൊഫഷണല്‍ ആയി കളിയെ
സമീപിക്കുന്ന ഇ.എസ്.പി.എന്‍- സ്റ്റാര്‍ സ്പോര്‍ട്സ്-സ്റ്റാര്‍ ക്രിക്കറ്റ്‌ ചാനലുകള്‍ക്ക് അഭിനന്ദനങ്ങള്‍. ചര്‍ച്ചയില്‍ ഏറ്റവും തിളങ്ങിയത് ഗാംഗുലി തന്നെയെന്നത് സമ്മതിക്കാതെ വയ്യ. അടുത്തകാലം വരെ ടീമിലുണ്ടായിരുന്നു അദ്ദേഹത്തെക്കാള്‍ നന്നായി ഇപ്പോഴത്തെ കളിക്കാരെ വേറെ ആര്‍ക്കും അറിയാമെന്നു തോന്നുന്നില്ല. ഇന്നത്തെ ഇന്ത്യന്‍ ടീമിനെ വാര്‍ത്തെടുക്കുന്നതില്‍ പുള്ളി വഹിച്ച പങ്ക് നിസാരമല്ല. സെവാഗിനെ ഓപ്പണറായി പരീക്ഷിക്കാനുള്ള ദാദയുടെ തീരുമാനത്തിന് നന്ദി രേഖപ്പെടുത്തിക്കൊള്ളട്ടെ. പല കാര്യങ്ങളിലും, പ്രത്യേകിച്ച് സ്വന്തം കളിക്കാര്‍ക്ക്‌ പിന്തുണ നല്‍കുന്ന കാര്യത്തില്‍ ഗാംഗുലിയുടെ ഏഴയലത്ത് ധോണി എത്തുകയില്ല. ഏതായാലും ഈ ലോകകപ്പില്‍ മുത്തമിടാന്‍ സച്ചിനും കൂട്ടര്‍ക്കും ആകട്ടെ എന്നാശംസിക്കുന്നു...

വാല്‍ക്കഷണം: ഉറങ്ങിപ്പോയത് മൂലം റെയ്നക്ക് ടീം ബസ്‌ മിസ്സ്‌ ആയത്രേ. സെവാഗിനു പകരം ഫീല്‍ഡ് ചെയ്യാന്‍ വന്നപ്പോഴും ഗ്രൗണ്ടില്‍ നിന്നങ്ങനെ കോട്ടുവാ ഇടുകയായിരുന്നു പുള്ളി. രാത്രി എന്തരടെ പരിപാടി? 

ശുഭം! 
മംഗളം! 
അനൂപ്‌ കിളിമാനൂര്‍

ശനിയാഴ്‌ച, ഫെബ്രുവരി 19, 2011

ബെസ്റ്റ് ഓഫ് ലക്ക് സച്ചിന്‍...

 സച്ചിന്റെ ജീവിതം പ്രൊഫഷണല്‍ കോഴ്സുകള്‍ ചെയ്യുന്ന വിദ്യാര്‍ഥികള്‍ ആവശ്യം പഠിച്ചിരിക്കേണ്ട ഒന്നാണ്.

ബെസ്റ്റ് ഓഫ് ലക്ക് സച്ചിന്‍...













Ponting: God sent me to Earth to show people how to play cricket..!!
Bhaji: Oh yeah...!!! But Sachin never told me that he sent you.







ശുഭം!  
മംഗളം! 
അനൂപ്‌ കിളിമാനൂര്‍

Related Posts:

20*

ചില വാരാന്ത്യ ചിന്തകള്‍: രണ്ടാം വാരം

 

വെള്ളിയാഴ്‌ച, ഫെബ്രുവരി 18, 2011

ഞമ്മടെ സ്വന്തം ബസ് സ്റ്റാന്റ്..!!

 ഗൂഗിളമ്മച്ചിയുടെ ആശീര്‍ വാദത്തോട് കൂടി ബൂലോകത്ത് ഞാന്‍ ഓടിച്ചു നടന്ന ബസ്സുകള്‍ ഇവിടെ നിരത്തിയിടുന്നു. അര്‍മ്മാദിപ്പിന്‍...!!!

നിഷ്പക്ഷിനിരീക്ഷണം

 

സ്പെക്ട്രം അഴിമതി റിപ്പോര്‍ട്ട്‌ ചെയ്യാതിരിക്കാനായി മുപ്പതു വര്‍ഷത്തെ ശമ്പളം ഒരുമിച്ചു തരാമെന്നു 'ആണ്ടി'മുത്തു രാജ വാഗ്ദാനം ചെയ്തിരുന്നു എന്ന് പയനിയര്‍ റിപ്പോര്‍ട്ടര്‍ ഗോപീകൃഷ്ണന്റെ വെളിപ്പെടുത്തല്‍. അപ്പൊ രണ്ടീസം മുന്‍പ് സ്പെക്ട്രം വില്പനയില്‍ യാതൊരു നഷ്ടവും ഉണ്ടായിട്ടില്ല എന്നും അഴിമതി നടന്നിട്ടില്ല എന്നും ഇപ്പോഴത്തെ ടെലികോം മന്ത്രി കപില്‍ സിബല്‍ പറഞ്ഞതോ? ആ അതുകള, വി.എസ് എന്തെരോ പറഞ്ഞല്ലോ, തമിഴ്നാടെന്നോ ഗുജറാത്തെന്നോ മറ്റോ. നമുക്ക് അതിനെപ്പറ്റി ചര്‍ച്ചിക്കാം......

 
ഗരീബോം കോ ഹഠാവോ....

ഇപ്പ വെലയില്ലാത്തതായിട്ടു എന്തെരേലും ഒണ്ടാ അണ്ണാ?

നമ്മള് മാത്രം ഒണ്ടപ്പീ.........
ഊ.പി.എയും തോമസും...

സാധാരണ എല്ലാ ദിവസവും ചാനലുകളില്‍ വന്നിരുന്നു 'പയറഞ്ഞാഴി' സ്റ്റൈലില്‍ ചര്‍ച്ചിക്കുന്നവരാണു കൊണ്ഗ്രെസ്സിന്റെ വക്താക്കള്‍ മനീഷ് തിവാരിയും മനു അഭിഷേക് സിംഗ്വിയുമൊക്കെ. എന്നാല്‍ ഇന്നലെ അവരെ പോലും ചാനലുകാര്‍ക്ക് കിട്ടിയില്ല. അത്ര കിടിലമായിരുന്നല്ലോ കേന്ദ്ര സര്‍ക്കാരിന്റെ സുപ്രീം കോടതിയിലെ വാദം. സി.വി.സി തോമസിനെതിരെ ക്രിമിനല്‍ കേസുള്ള കാര്യം കേന്ദ്ര ഗവണ്മെന്റിനു അറിയില്ലായിരുന്നത്രേ. വെറും ഒരു കൂതറ പൌരനായ എന്നോട് ചോദിച്ചിരുന്നേല്‍ ഞാന്‍ പറഞ്ഞു കൊടുതാണല്ലോ ആ കേസുള്ള കാര്യം. ഖഷ്ടം തന്നെ......

വിവ പ്രദീപ്‌, വിവ കേരള
വിവ കേരളയ്ക്ക് വേണ്ടി കളിക്കാന്‍ ഇന്ത്യയുടെ ഏഴാം നമ്പര്‍ താരം പ്രദീപ്‌ എത്തിയിരിക്കുന്നു. നാലുമാസത്തെ ലോണില്‍ പത്തു ലക്ഷം രൂപ പ്രതിഫലത്തിലാണ് ഇദ്ദേഹം വിവയ്ക്ക് വേണ്ടി ബൂട്ടണിയുക. പ്രദീപിന്റെ മികവില്‍ ഐ-ലീഗില്‍ വിവയ്ക്ക് സ്ഥാനം നിലനിര്‍ത്താന്‍ കഴിയട്ടെ എന്ന് ആശംസിക്കുന്നു.


കണ്ട കള്ളന്മാര്‍ക്കൊക്കെ കഞ്ഞിവെച്ച് കൊടുക്കുമ്പോള്‍ ആലോചിക്കണമായിരുന്നു..


ഇടതന്മാര് കെട്ടിയിരുന്ന കയര്‍ എല്ലാരും കൂടെ അഴിച്ചു കൊടുത്തു സഹായിച്ചതല്ലേ. ഇനി പറഞ്ഞിട്ടെന്തു കാര്യം.....



മേലാളര്‍ വിതയ്ക്കുന്നു, കൊയ്യുന്നത് പക്ഷെ.........


എന്ടോസല്ഫാന്‍  
കുറച്ചു കാലമായി മാതൃഭൂമി ആഴ്ചപ്പതിപ്പ് വാങ്ങാറില്ല (വീരഭൂമിക്കാര്‍ അറിയുന്നതിന്). പക്ഷെ ഡിസം. 26 -ന്റെ ലക്കം വാങ്ങാതിരിക്കാന്‍ കഴിഞ്ഞില്ല. മധുരാജ് എടുത്ത എന്ടോസല്ഫാന്‍ ദുരിത ബാധിതരുടെ ചിത്രങ്ങള്‍ മാത്രം വെച്ചാണ് ഈ ലക്കം പുറത്തിറക്കിയത്. കണ്ടിട്ട് സഹിക്കുന്നില്ല. ഇങ്ങനൊരു ശ്രമത്തിനു മാതൃഭൂമിക്ക് അഭിനന്ദനങ്ങള്‍. ഈ ചിത്രങ്ങള്‍ മാത്രം മതി ലോകരാജ്യങ്ങള്‍ക്ക് എന്ടോസള്‍ഫാന്‍ നിരോധിക്കാന്‍. പക്ഷെ, നമ്മുടെ കേന്ദ്രന്മാര്‍ക്ക് ഇത് പോര. അവര്‍ക്കിനിയും പഠിക്കണമത്രേ. പഠിക്കട്ട്; കോപ്പ്!

യാചനാ യാത്രയും ഐസ് ക്രീമും..

ഐസ് ക്രീമിന്റെ തണുപ്പേറ്റു പനിപിടിച്ചതുമൂലം യാചനയാത്ര മാറ്റിവെക്കേണ്ടി വന്ന ഉമ്മന്‍ ചാണ്ടിക്ക് അനുശോചനങ്ങള്‍ രേഖപ്പെടുത്തുന്നു.... ഇപ്പോഴത്തെ ഇടതുമുന്നണി സര്‍ക്കാരിലെ രണ്ടു മന്ത്രിമാര്‍ക്ക് നേരെ മാത്രമേ അഴിമതി ആരോപണം ഉണ്ടായിട്ടുള്ളൂ; പി.ജെ..ജോസഫും പുള്ളിയുടെ ഗ്രൂപ്പിലെ ടി.എസ് കുരുവിളയും ആണ് ആ മുന്‍മന്ത്രിമാര്‍. രണ്ടു പേരും ഇപ്പൊ എത്തേണ്ടിടത്ത് എത്തിയിട്ടുണ്ട്. ഇനിയും കേരളഭരണം കുഞ്ഞാലിക്കുട്ടിമാരെ എല്പ്പിക്കണോ എന്ന് നന്നായി ആലോചിക്കുക.
നന്മകള്‍ നേരുന്നു....

ശുഭം!
മംഗളം!

അനൂപ്‌ കിളിമാനൂര്‍

കാര്‍ട്ടൂണുകള്‍ ‍: ദി ഹിന്ദു

വ്യാഴാഴ്‌ച, ഫെബ്രുവരി 17, 2011

സ്മാര്‍ട്ട് സിറ്റിയും മെട്രോ റെയിലും പിന്നെ വല്ലാര്‍പ്പാടവും....


 

അങ്ങനെ കൊച്ചി ടീമിന് ഒരു പേരായി. കൊച്ചിയില്‍ ഏറ്റവും കൂടുതല്‍ ഉള്ള ജീവി എന്നാ പരിഗണ വെച്ച് കൊച്ചി ഐ.പി.എല്‍ ടീമിന് 'കൊച്ചിന്‍ മസ്ക്കിറ്റോസ്' എന്ന് ചില രസികന്മാര്‍ അഭിപ്രായപ്പെട്ടതായി കേട്ടു. ഈ രസികന്മാരുടെ ഒരു കാര്യം. എന്‍റെ അഭിപ്രായത്തില്‍ ടീമിന് കൊച്ചിന്‍ മെട്രോ റെയ്ലേഴ്സ് എന്ന് പേരിടണം. അങ്ങനെയെങ്കിലും ഈ മെട്രോ റെയില്‍വേ എന്ന സാധനം കൊച്ചിയുടെ അടുത്തിരിക്കുന്നത് കാണാനുള്ള പൂതി കൊണ്ടാണ് ഈ അപേക്ഷ. അല്ലാതെ അടുത്തെന്നും ഈ മെട്രോ റെയില്‍വേ യാഥാര്‍ത്ഥ്യം ആവുമെന്ന് തോന്നുന്നില്ല. ബംഗ്ലൂരില്‍ 'നമ്മ മെട്രോ' പരീക്ഷണഓട്ടം തുടങ്ങി. കൊച്ചിയിലെത് ഇപ്പോഴും കേന്ദ്രത്തിലെ ഒരു മന്ത്രിപുംഗവന്റെ മേശപ്പുറത്തു  ഒപ്പും കാത്ത് പൊടിയും അടിച്ചിരിക്കുന്നു. കഴിഞ്ഞ വര്‍ഷം കമ്മീഷന്‍ ചെയ്യേണ്ട പദ്ധതിയാ.ഡല്‍ഹി മെട്രോ മാതൃകയില്‍ കേന്ദ്ര-സംസ്ഥാന സംയുക്ത സംരഭം എന്ന രീതിയില്‍ ലാഭകരമായി നടത്താന്‍ കഴിയുമെന്ന് ഇ.ശ്രീധരന്‍ റിപ്പോര്‍ട്ട് നല്‍കുകയുണ്ടായി. എന്നിട്ടും സ്വകാര്യ പങ്കാളിത്തത്തോട് കൂടി മാത്രമേ നടത്താന്‍ അനുവദിക്കൂ എന്ന നിലപാടിലാണ് കേന്ദ്ര സര്‍ക്കാര്‍. 



 
ഇടതുസര്‍ക്കാറിന്റെ കാലത്ത് മെട്രോ റെയില്‍ കേരളത്തില്‍ വരാതിരിക്കുന്നതിനായി ചിലരുടെ ഇടപെടല്‍ ഉള്ളതായി സംശയങ്ങള്‍ ഉണ്ടാകുന്നത് ഈ സന്ദര്‍ഭത്തിലാണ്. ഇങ്ങനെ ഒരു സംശയം ഉണ്ടാവുന്നതിനു കാരണം കേരളത്തില്‍ കഴിഞ്ഞ അഞ്ചു വര്‍ഷത്തില്‍ നടപ്പാക്കേണ്ടിയിരുന്ന പല പദ്ധതികളും നേരിട്ട അനാവശ്യമായ കാലതാമാസങ്ങളാണ്. ഉദാഹരണം സ്മാര്‍ട്ട് സിറ്റി തന്നെ. ഇടതുമുന്നണി സര്‍ക്കാര്‍ അധികാരമേറ്റിട്ട് അധികം താമസിയാതെ തന്നെ അവരുമായി കരാര്‍ ഒപ്പിടാന്‍ കഴിഞ്ഞു. യു.ഡി.എഫ് വിട്ടുകൊടുക്കാന്‍ തീരുമാനിച്ച ഇന്‍ഫോപാര്‍ക്ക് വിട്ടുകൊടുക്കാതെ തന്നെ സ്മാര്‍ട്ട് സിറ്റി യാഥാര്‍ത്ഥ്യമായി. ഇന്‍ഫോപാര്‍ക്ക് ഇപ്പോള്‍ ലക്ഷക്കണക്കിന്‌ പേര്‍ക്ക് തൊഴില്‍ കൊടുക്കാവുന്ന രീതിയില്‍ സര്‍ക്കാരിന്റെ ഉടമസ്ഥതയില്‍ തന്നെ വളര്‍ന്നു കൊണ്ടിരിക്കുന്നു. പക്ഷെ അപ്രതീക്ഷിതമായി സ്മാര്‍ട്ട്‌ സിറ്റിയുടെ കാര്യത്തില്‍ ചില കാലതാമസങ്ങള്‍ നേരിട്ടു. തങ്ങള്‍ക്കു വില്പനാവകാശത്തോടെ 12 ഏക്കര്‍ ഭൂമി വിട്ടുകൊടുക്കണമെന്ന് അവര്‍ ആവശ്യപ്പെട്ടതോട് കൂടിയാണ് പ്രശ്നങ്ങള്‍ ആരംഭിച്ചത്. കരാറില്‍ ഇല്ലാത്ത നിബന്ധനയായിരുന്നു ഇത്. എന്നാല്‍ ഒരിഞ്ചു ഭൂമിപോലും വില്പനാവകാശത്തോടെ അവര്‍ക്ക് വിട്ടുകൊടുക്കില്ല എന്ന് എല്‍.ഡി.എഫ് സര്‍ക്കാര്‍ പ്രഖ്യാപിച്ചു. ഒടുവില്‍ ഗള്‍ഫ്‌ വ്യവസായി എം. യൂസഫലിയുടെ മധ്യസ്ഥതയില്‍ ഈ പ്രശ്നം പരിഹരിക്കപ്പെടുകയും അവര്‍ കരാര്‍ ഒപ്പിടുകയും ചെയ്തു. ഈ കരാര്‍ പ്രകാരം അവര്‍ക്ക് വില്പനാവകാശത്തോടെ ഒരിഞ്ചു ഭൂമി പോളും ലഭിക്കില്ല. അതായത് അവര്‍ക്ക് അതിന്റെ ആവശ്യം ഇല്ല എന്നുതന്നെ. അവര്‍ക്ക് വേണ്ടെങ്കില്‍ പിന്നെ ആര്‍ക്കാണ്‌ ഈ ഭൂമി വിട്ടുകൊടുക്കണം എന്ന് ഇത്ര നിര്‍ബന്ധം? ആരാണ് ടീ.കോം ഈ അനാവശ്യമായ പ്രശ്നം ഉണ്ടാക്കുകയും പദ്ധതിക്ക് വര്‍ഷങ്ങളുടെ കാലതാമസം ഉണ്ടാകുകയും ചെയ്തതിനു കാരണം? 


 
സുനന്ദ പുഷ്കര്‍ ടീ കോമിലെ ഉദ്യോഗസ്ഥയായിരുന്നു എന്ന് നമുക്ക് ഇപ്പോള്‍ അറിയാം. അതുപോലെ ടീ കോമില്‍ സ്വാധീന ശക്തിയുള്ള നമുക്കറിയാത്ത വേറെ ആരെല്ലാം ഉണ്ടാവാം. അങ്ങനെ ആരെങ്കിലുമാണ് ഇതിനു പിന്നില്‍ കളിച്ചതെങ്കില്‍? യൂസഫലി വിചാരിച്ചാല്‍ ഇങ്ങനൊരു ആവശ്യത്തില്‍ നിന്നും ടീ.കോം പിന്മാറുമെങ്കില്‍ ഇങ്ങനെ ഒരു ആവശ്യം ഉന്നയിക്കുന്നതിനു പിന്നിലും കേരളവുമായി ബന്ധപ്പെട്ട ആരെങ്കിലും ആയിക്കൂടെ? ഇടതു സര്‍ക്കാരിന്റെ കാലത്ത് കേരളത്തില്‍ സ്മാര്‍ട്ട് സിറ്റി വരരുതെന്ന് ആഗ്രഹമുള്ളവര്‍ ആരാവാം? അവിടെയാണ് ഞാന്‍ മേല്‍പ്പറഞ്ഞ സംശയം ഉദിക്കുന്നത്. സ്മാര്‍ട്ട് സിറ്റി കരാര്‍ ഒപ്പിട്ടതിന്റെ പിറ്റേ ദിവസം ഉമ്മന്‍ ചാണ്ടി നടത്തിയ പത്ര സമ്മേളനം എല്ലാവരും കണ്ടിരിക്കുമല്ലോ. 246 ഏക്കറിനും ചേര്‍ത്ത് ഒറ്റ സെസ് ലഭിക്കുകയില്ല എന്ന് അന്ന് ഉമ്മന്‍ ചാണ്ടി പ്രഖ്യാപിക്കുകയുണ്ടായി. കേന്ദ്ര സര്‍ക്കാര്‍ ഇങ്ങനെ സെസ് അനുവദിച്ചില്ലെങ്കില്‍ കരാറിന്‍റെ അന്തസത്ത തന്നെ ചോദ്യം ചെയ്യപ്പെടും. കേന്ദ്ര സര്‍ക്കാരില്‍ യു.ഡി.എഫ്ഫിനുള്ള സ്വാധീനം പറയുന്ടെ കാര്യമില്ല. അപ്പോള്‍ ഇങ്ങനൊരു പ്രഖ്യാപനം നടത്താന്‍ ഉമ്മന്‍ ചാണ്ടിക്കുണ്ടായ ചേതോവികാരം എന്താണ്? തങ്ങള്‍ രഹസ്യമായി നടത്തുന്ന എന്തെങ്കിലും കരുനീക്കങ്ങള്‍ അറിയാതെ പറഞ്ഞ് പോയതാണോ? ഇടതു സര്‍ക്കാര്‍ കേരളം ഭരിക്കുകയാണെങ്കില്‍ എല്ലാ പദ്ധതികള്‍ക്കും തങ്ങള്‍ ഇടന്കോല്‍ ഇടുമെന്നാണോ? ഇന്ന്  യു.ഡി.എഫിനെ നയിക്കുന്ന മുഖങ്ങള്‍ ഒന്ന് മനസിലൂടെ ഓടിച്ചു നോക്കിയാല്‍ ഈ പറഞ്ഞതൊന്നും അത്ര അസംഭവ്യമല്ല എന്ന് ഏതു നാലകത്ത് സൂപ്പിക്കും മനസിലാകും. സ്മാര്‍ട്ട് സിറ്റിക്കും മെട്രോ റേയിലും മറ്റുമുണ്ടായ കാലതാമസത്തിന് പിന്നില്‍ ഈ കുശുമ്പാണ്‌ കാരണമെങ്കില്‍ കേരളാ ജനതയോട് എന്ത് വലിയ ദ്രോഹമാണ് ഇവര്‍ ചെയ്യുന്നത് എന്നൊന്ന് ആലോചിച്ചു നോക്കുക. ഇങ്ങനെയോക്കെയുണ്ടായിട്ടും വന്‍ വളര്‍ച്ചയാണ് കഴിഞ്ഞ അഞ്ചു വര്‍ഷത്തിനിടയില്‍ ഐ.ടി മേഖലയില്‍ കേരളത്തില്‍ ഉണ്ടായത്. പള്ളിപ്പുറത്തെ ടെക്നോസിറ്റിയുടേയും മറ്റും ഉത്ഘാടനവിവരം ഒരു പത്രക്കാരും പ്രാധാന്യത്തോടെ നല്‍കിയില്ല എന്നത് വേറെ കാര്യം.

ഇനിയുമുണ്ട് ഉദാഹരങ്ങള്‍. വിഴിഞ്ഞം പദ്ധതിയിലെ ടെണ്ടര്‍ വിളിക്ക് കാലതാമസമുണ്ടാക്കിയ കേന്ദ്രത്തിന്റെ ഇടപെടല്‍ ഓര്‍ക്കുക. രണ്ട് വര്‍ഷം മുന്‍പ് പ്രഖ്യാപിച്ച ഇപ്പോഴും ഒരു നടപടിയും ഉണ്ടാവാത്ത കോച്ച് ഫാക്ടറിയെക്കുറിച്ചു ഓര്‍ക്കുക. ഇനി കേന്ദ്ര സര്‍ക്കാര്‍ കേരളാ സര്‍ക്കാരിന്റെ സഹാത്തോടെ നടത്തിയേ ചില പദ്ധതികളെപ്പറ്റി നോക്കാം. വല്ലാര്‍പ്പാടം കണ്ടയ്നര്‍ ടെര്‍മിനല്‍, തിരുവനന്തപുരം വിമാനത്താവളത്തിലെ പുതിയ ടെര്‍മിനല്‍ എന്നിവയുടെ ഉത്ഘാടനത്തെപ്പറ്റി ഈയിടെ ഉണ്ടായ വിവാദങ്ങള്‍ ഓര്‍മ്മ കാണുമല്ലോ. വല്ലാര്‍പ്പാടം കണ്ടയ്നര്‍ ടെര്‍മിനലിനുവേണ്ടി സ്ഥലമെടുക്കുന്നതിനും മറ്റുമായി വലിയ പ്രശ്നങ്ങളാണ് കേരളാ സര്‍ക്കാര്‍ നേരിടേണ്ടി വന്നത്. ഇതുമൂലം കഴിഞ്ഞ ഇലക്ഷനുകളില്‍ എല്‍.ഡി.എഫിന് ചില നഷ്ടങ്ങളും നേരിടേണ്ടി വന്നു. ഒടുവില്‍ കാര്യമായ പരാതികള്‍ക്ക് ഇടനല്‍കാതെ കുടിയൊഴിപ്പിക്കപ്പെട്ടവുടെ പുനരധിവാസം നടപ്പാക്കാന്‍ എല്‍.ഡി.എഫ് സര്‍ക്കാരിനു കഴിഞ്ഞു. എന്നാല്‍ ടെര്‍മിനലിന്റെ ഉത്ഘാടനച്ചങ്ങില്‍ വന്‍ അവഗണനയാണ് കേരളസര്‍ക്കാരിന് നേരിടേണ്ടി വന്നത്. ചടങ്ങില്‍ മുഖ്യമന്ത്രിയെ മാത്രമാണ് ക്ഷണിച്ചത്. വേറെ ഒരു മന്ത്രിക്കും ക്ഷണം ഉണ്ടായിരുന്നില്ല. സോണിയമുതല്‍ വേണുഗോപാലിന്റെ പടം വരെ പത്രപ്പരസ്യത്തില്‍ ഉണ്ടായിരുന്നപ്പോള്‍ മുഖ്യമന്ത്രിയുടെ പടമോ പേരോ പോലും പരസ്യത്തില്‍ ഉണ്ടായിരുന്നില്ല. ശിലാഫലകത്തില്‍ പ്രധാനമന്ത്രിയുടെ പേര് മാത്രം. കേരള സര്‍ക്കാരിന് ഒരു നന്ദിവാക്കു പോലും മനമോഹനന്‍ പറഞ്ഞില്ല.
എയര്‍പോര്‍ട്ട് ടെര്‍മിനലിന്റെ ഉത്ഘാടനത്തിനും സ്ഥിതി വ്യത്യസ്തമായിരുന്നില്ല. ഇവിടെ രണ്ട് മന്ത്രിമാരെ ക്ഷണിച്ചു എന്ന് മാത്രം. യു.ഡി.എഫ് സര്‍ക്കാര്‍ അധികാരമൊഴിയുന്ന സമയത്ത് ഒരിഞ്ചു ഭൂമി പോലും ഇതിനുവേണ്ടി ഏറ്റെടുത്തിരുന്നില്ല. അവഗണയെപ്പറ്റി വേദിയില്‍ വെച്ചുതന്നെ മുഖ്യമന്ത്രി പറയുകയുണ്ടായി. പ്രധാനമന്ത്രിക്ക് മനസിലാവാത്ത ഭാഷയില്‍ പരാതി പറഞ്ഞു എന്നായിരുന്നു കുഞ്ഞൂഞ്ഞിന്റെ പരിഹാസം. താങ്കള്‍ ഇത്രവലിയ സായിപ്പായ കാര്യമൊന്നും നമ്മള്‍ അറിഞ്ഞില്ല. സ്വന്തം മാതൃഭാഷയോട് ഇങ്ങനെ പുച്ഛം കാണിക്കുന്നത് എന്തിനോടാണ്‌ ഉപമിക്കേണ്ടത്‌ എന്നു പറയാനറിയാഞ്ഞിട്ടല്ല. എന്‍റെ സംസ്കാരം അതിനനുവദിക്കുന്നില്ല എന്ന് മാത്രം പറഞ്ഞുകൊള്ളട്ടെ. ചുരുക്കിപ്പറഞ്ഞാല്‍ ഈ രണ്ട് പദ്ധതികളും തങ്ങളുടേത് മാത്രമാക്കി മാറ്റാനുള്ള ഊ. ഡി. എഫിന്റെ അഭ്യാസമായിരുന്നു ഇതുമൊത്തമെന്നു പത്രം വായിക്കുന്ന ഏതു ശരാശരി മലയാളിക്കും മനസിലാവും. പക്ഷെ അതു എത്രമാത്രം വിജയിച്ചു എന്ന് കണ്ടുതന്നെയറിയണം. അവഗണയുടെ കാര്യം കോണ്ഗ്രസ് നേതാക്കള്‍ക്ക് തന്നെ ഒടുവില്‍ അംഗീകരിക്കേണ്ടി വന്നു. എയര്‍പോര്‍ട്ട് അതോറിറ്റിയെയും ഷിപ്പിംഗ് മന്ത്രാലയത്തെയും പഴിചാരാനാണ് അവര്‍ ശ്രമിച്ചതെങ്കിലും. മുന്‍പൊരിക്കല്‍ കേരളത്തിന്‌ തുടര്‍ച്ചയായി ലഭിക്കുന്ന അവാര്‍ഡുകള്‍ ഇടതു മുന്നണിയുടെ പ്രതിശ്ചായ വര്‍ദ്ധിപ്പിക്കുന്നുവെന്നും അതു നിര്‍ത്തണമെന്നുമുള്ള ആവശ്യവുമായി വയലാര്‍ രവിയും സംഘവും കേന്ദ്ര സര്‍ക്കാരിനെ കാണാന്‍ പോയത് ഓര്‍മ്മ വരുന്നു. അന്ന് സൂരജ് ഡോക്ടര്‍ പറഞ്ഞതുമാത്രമേ എനിക്കും പറയാനുള്ളൂ, 'ഡേയ്, കോണകത്തിലിരുന്നു കടിക്കുന്ന പരിപാടി കാണിക്കാതടെയ്. ഇതിനാനാടെയ് ജയിപ്പിച്ചു വിട്ടത്?'. കേന്ദ്രത്തിലെ ഊ.പി.എയുടെ കാര്യം പറയുകയും വേണ്ട. നാട്ടുകാരുടെ കേന്ദ്രത്തിനിട്ടാണല്ലോ പണി മുഴുവന്‍. യു.ഡി.എഫിനെ അതുകൊണ്ട് തന്നെ കുറ്റം പറയാന്‍ കഴിയില്ല. മത്തന്‍ കുത്തിയാല്‍ കുമ്പളം മുളയ്ക്കില്ലല്ലോ, യേത്?

മലയാളികളുടെ ഓര്‍മ്മ ശക്തിക്ക് അഞ്ചു വര്‍ഷത്തില്‍ കൂടുതല്‍ ദൈര്‍ഘ്യം ഇല്ല. അതുകൊണ്ടാണ് യു.ഡി.എഫിന്റെ പഴേ ഭരണത്തെക്കുറിചോന്നും ഓര്‍ക്കാതെ ഇടവിട്ട്‌ അവരെ ഭരണത്തിലേറ്റുന്നത്. എന്നാല്‍ ഈ അടുത്തുണ്ടായ സംഭവങ്ങള്‍ മലയാളികളെ ചിലത്ഓര്‍മ്മിപ്പിക്കുന്നു.എന്തായാലും ഐസ്ക്രീമില്‍ തുടങ്ങി വയലാര്‍ രവിയിലും സുധാകരനിലും വരെ എത്തിനില്‍ക്കുന്ന  ഈയടുത്തുണ്ടായ സംഭവവികാസങ്ങള്‍ യു.ഡി.എഫ്ഫിനുണ്ടാക്കിയ ക്ഷീണം ചെറുതൊന്നുമല്ല. ഈ പ്രശ്നങ്ങള്‍ അവരുടെ വിജയപ്രതീക്ഷകള്‍ക്ക് വലിയ മങ്ങലാണ് ഉണ്ടാക്കിയിരിക്കുനത്. ഗൌരിയമ്മയും മാണിയും ഒഴികെ എല്ലാ യു.ഡി.എഫ് നേതാക്കളും പല പ്രശ്നങ്ങളില്‍ ഉഴറി ആടിയുലഞ്ഞു നില്‍ക്കുകയാണ്. അടിക്കുന്നതൊക്കെ സെല്‍ഫ് ഗോളുകളാണെങ്കിലും അടിച്ചു കൂട്ടുന്നതിനു ഒരു മര്യാദയൊക്കെ വേണ്ടേ. ഈ അവസരത്തില്‍ എനിക്കിത്രയേ പറയാനുള്ളൂ.

"താന്‍ താന്‍ നിരന്തരം ചെയ്യുന്ന കര്‍മ്മങ്ങള്‍
താന്‍ താന്‍ അനുഭവിച്ചീടുകെന്നേ വരൂ..."

ശുഭം!
മംഗളം!
അനൂപ്‌ കിളിമാനൂര്‍

ബുധനാഴ്‌ച, ഫെബ്രുവരി 16, 2011

അബു ഹിന്ദുസ്ഥാനി...!!

 തന്റെ മതമേതാ എന്ന് ചോദിക്കുന്നവരോട് ഞാന്‍ ഹിന്ദുസ്ഥാനിയാടാ എന്ന് നെഞ്ച് വിരിച്ചു നിന്ന് പറയുന്ന എന്‍റെ ഒരു സുഹൃത്തിന്നെ പരിചയപ്പെടുത്തട്ടെ. തിരുവനന്തപുരത്തുകാരന്‍ അബു. മതമില്ലാത്ത ജീവന്‍, മാള ഷ്ടയ്ല്‍ എന്ന പോസ്റ്റിനു ഫെയ്സ്ബുക്കില്‍ വന്ന കമന്റുകള്‍ അതുപോലെ ഇവിടെ എടുത്തു പൂശുന്നു.



    • Anoop Kilimanoor: തല്ലുകൊള്ളികളേ, വായിച്ചു. കൊള്ളാം നാനായിട്ടുണ്ട്.


    • Abu Vinayakumar: hmmm...malayude mathamillatha jeevanile avasana diagolu njnum parayarullatha...aa HINDUSTHANI diagole...


    • Abu Vinayakumar: achanum ammaykum sthuti...


    • Anoop Kilimanoor:  ‎:)


    • Anoop Kilimanoor: Abu Hindusthani..!!
'മതമില്ലാത്ത ജീവന്‍' എന്ന പാഠഭാഗത്തിന്റെ പേരില്‍ വോട്ടു ലാക്കാക്കി അദ്ധ്യാപകനെ ചവിട്ടിക്കൊല്ലാനും പുസ്തകം കത്തിക്കാനും പോയവര്‍ ഇങ്ങനെ ചിലരും ഇവിടെ ജീവിക്കുന്നുണ്ടെന്ന് അറിഞ്ഞാല്‍ നല്ലതാണ്. മതങ്ങള്‍ എല്ലാം നന്മയില്‍ അധിഷ്ടിതമാണ്. പക്ഷെ സ്വാര്‍ഥ താല്പര്യങ്ങള്‍ക്ക് വേണ്ടി വ്യക്തികള്‍ മതവികാരം ഉപയോഗിക്കുന്നു എന്നുള്ളതാണ് പ്രശ്നം. അതിനെയാണ് തടയേണ്ടത്. കക്ഷിരാഷ്ട്രീയത്തില്‍ മതം കലര്‍ത്തരുത് എന്ന് പറയുന്നതിന് കാരണം അതാണ്‌.



അബുവിന്റെം കൂട്ടരുടെം ബ്ലോഗ്‌ ഇവിടെ...

tallukollikalude lokam...
 ഈ പോസ്റ്റും കൂടി...
മതമില്ലാത്തവന്‍
 
Related Posts:

മതമില്ലാത്ത ജീവന്‍; മാള ഷ്ടയ്ല്‍

മതമെന്തെന്നറിയാത്ത ജീവനുകള്‍......

ശുഭം! 
മംഗളം! 
അനൂപ്‌ കിളിമാനൂര്‍

വെള്ളിയാഴ്‌ച, ഫെബ്രുവരി 04, 2011

മതമില്ലാത്ത ജീവന്‍; മാള ഷ്ടയ്ല്‍

മാന്യന്‍: താങ്കള്‍ ഹിന്ദുവല്ലേ?
മാള: അതെ
മാന്യന്‍: താങ്കളുടെ ഭാര്യ ക്രിസ്ത്യാനി അല്ലെ?
മാള: അതെ
മാന്യന്‍: അപ്പൊ താങ്കളുടെ മക്കള്‍ ഹിന്ദുവോ അതോ ക്രിസ്ത്യാനിയോ?
മാള: രണ്ടും ചേര്‍ന്ന്, ഹിന്ദുസ്ഥാനി....... യെന്തേ?

ശുഭം!
മംഗളം!